Serkawnah 'Leitlangpui Music Festival' neih mek a ni

Mizoram rimawi kut lian zinga mi, Leitlangpui Music Festival (LMF) chu November 11, Nilaini khan ni thum chhung awh turin Lena Stadium, Serkawnah ṭan a ni leh ta a, vawiin thleng a awh ang. LMF hmannaah hian rimawi huanga Zoram mipui ngaihven hlawh tak takte an inlan leh a, kumin hian theme atan 'Music Comes Home to Serkawn' tih hman a ni.

Serkawn hi rimawi huanga Mizoramin harh tharna pawimawh tak a channa tih theih, Serkawn Concert, Serkawn Sikula buatsaih a lo nih tawhna a nih avangin LMF nghah a ni pawh a inhmeh hle.

Kut ṭan zanah artist ṭha tak tak - Deborah Ralte, CT Tluangtea, Benjamin Sum, Fenga, Sangtei Khuptong, David Darlong, Lil Kiki leh Evenflow te an perform a,a ni hnihnaah kum danga an lo tih ṭhin ang bawkin Band Competition buatsaih leh a ni a; Aizawl, Lunglei, Nagaland leh Assam aṭanga tel Top 10 finalist ten in elna an nei a ni. 2024 Band Contest winner Swordtune, guest band Avora Records leh nikum 2025-a winner Knot an perform bawk

Zaninah concert hmangin kut khar a ni dawn a; RNZX, Dingtea Guite, Saka, Serkawn Band, Rokhumbeu, Johan, Your Sweetest Memories, Ruatpuii leh Triautrackx-te an inlan dawn a, rimawi ngaina mite tan chuan chhim loh uiawm tak tur a ni dawn.