Billboard 200: Olivia Rodrigo 'you seem pretty sad for a girl so in love' No.1 -ah kir leh

American singer, songwriter leh actress ni bawk Olivia Rodrigo chuan a album hnuhnung ber "you seem pretty sad for a girl so in love" chu No.1-ah a kirpui leh. Rodrigo hian a album hi a zawn loa No.1 kar li a nihpuina a ni a, chart hmasa lamah khan No.2-ah awmin kar 21 chhung top 5 a la chhuahsan lo bawk.

Kar liam ta chhung khan Rodrigo album hian quivalent album unit 57,000 a neih belh leh thei a; mahse, album hian kum khat liam ta chhunga No. 1 ni thei album unit tlem ber ṭum a tawng thung. SZA chuan a album SOS hmang khan No.1 ni thei album unit nei tlem ber record a siam a, album unit 52,000 chauh neiin tuna Rodrigo album unit neih ai hian a tlem zawk bawk.

Kum 40 chuang liam hnua album chart-a a thlen san ber ni turin Michael Jackson album lar, 'Thriller' chu No.13 aṭangin No.2 -ah a rawn moonwalk thleng leh thei a, hei hi Halloween boruak vang a ni pakhat a, album unit 55,000 a neih belh. Pathumnaah chart luahlumtu kan tih fo, Morgan Wallen chuan 'Im the Problem' hmangin a dinhmun ngai chu la humhim thei zel.

No. 1 pawh lo ni tawh Ella Langley pawh 'Dandelion' a dinhmun ngai palinaah a la luah zui a, Noah Kahan chuan 'The Great Divide' hmangin Top 5-ah a la lang zawm bawk. Top 10 ah ILLIT, BigXthaPlug leh Queens Of The Stone Age te an lang thar bawk a ni.