James Bond thar tur Robert Pattinson

Amazon MGM Studio chuan British Actor Robert Pattinson chu James Bond thar atan thlan a nih thu an puang. Pattinson hi 007 film franchise atana Bond lem chang thei actor pasarihna niin, a franchise inlanna tur erawh Bond movie 26-na tur a ni dawn thung.

007 franchise tharah hian Denis Villeneuve chu director tur niin screenplay erawh Steven Knight ziah a ni dawn thung. Bond lem chang tur hian selection chu London-a secret screen test kaltlanga neih a ni a, Pattinson bakah Nicholas Hoult, Jack Lowden, Josh O'Connor, leh Callum Turner te pawhin audition hi an nei a ni.

Pattinson chuan James Bond chu cinema history-a character ropui ber zinga mi a nih thu sawiin, 007 lema chang tura thlan a ni chu chawimawina a nih thu a sawi. Pattinson hian Bond character ṭhin Daniel Craig chu a thlak dawn a, Craig hi Bond franchise 'No Time to Die' kum 2021 a tihchhuah kha a chan hnuhnung ber a ni.