2026 The Game Awards nomination hriat ta!

Khawvel huap video games ṭha thlan chhuahna, The Game Awards nomination chu Thawhlehni zan khan host leh creator ni bawk Geoff Keighley chuan YouTube leh Twitch kaltlangin a puang. Nomination puan a nih rual hian fan voting kalpuina tur pawh hawn a ni nghal bawk.

Kumin games awards-a games mal nomination hmu tam ber hi vawiina tlangzarh tur GTA VI niin category pariatah a hmu phak a, Game of the Year-ah tlangzarh hma hauhin nomination a hmu nghal thei a, a chet ṭhat pawh a rinawm. Remedy Entertainment leh Annapurna kutchhuak 'Control Resonant' leh 'Resident Evil Requiem' chuan dawtin category parukah ve ve an hmu a; 007 First Light leh Phantom Blade Zero chuan panga ve ve an hmu bawk.

Games huang ni lo, publisher zingah Nintendo chu nominate tam ber niin category 12-ah an games siamte nominate an ni. Capcom chuan11-ah nomination an hmu a, Annapuran Interactive leh PlayStation chuan pakua ve ve an hmu. Fan vote hi December 9 thleng hawn a ni ang.