
Nations League dinhmun

UEFA Nations League-ah league round khelh zawh a ni a, quarterfinal khel tur a chiang tawh. France, Belgium, Germany, Netherlands, England, Spain, Portugal leh Norway ten quarterfinal an lut a, nakkum March-ah inelna hi chhunzawm a ni ang.
Nations League-ah hian UEFA hnuaia ramte chu league paliah ṭhen hran a ni a, inelna sang ber League A-ah hian ram 16 an awm. Tun ṭum inelnaah ram pahnih Czech Republic leh Turkey te chu league hniam zawkah an relegate.
Table mawngphaha awm Wales leh Serbia bakah pathumna pali zinga a hniam pahnih Denmark leh Croatia ten relegation playoff an khel dawn. Relegation playoff-ah hian team pariat an awm dawn a, League A aṭanga team pali bakah League B-a group tina pahnihna Slovenia, Bosnia and Herzogovina, Hungary leh Republic of Ireland ten relegation playoff hi an khel dawn.
League B aṭangin group tina pakhatna Austria, Northern Ireland, Sweden leh Switzerland ten season tharah League A an khel ang.