Champhai leh Serchhip aiawh tur a hriat ve leh ta

Miss Mizoram 2020 thlanna kal mek zelah Champhai leh Serchhip chuan nimin khan an district aiawh tur puanchhuahna an nei ve leh ta. Miss Mizoram 2020 Champhai District atan hian Lalmuansangi chu thlan niin, Miss Mizoram 2020 Saitual District atan Fiona Lalṭhahlui chu thlan a ni ve bawk.

Miss Mizoram 2020 Champhai District Lalmuansangi hi d/o  Israel Lalmalsawma hi Champhai Zotlanga cheng a ni a, Ft. 5'6.5" a sang a ni. Kum 24 mi niin nikum khan MZU aṭangin MA English Ist Division-ah a pass a; tunah hian MZU-ah B. Ed a zir mek bawk.

Champhai District Miss thlang­chhuahna hi mi pangain an endik a, nimin khan MJA Press Club-ah Organising Committee leh Judge-te hian uluk taka tehna hrang hrang leh personal interview hmanga an endik hnuah Lalmuansangi hi an thlang chhuak ta a ni.

Saitual District Miss puanna inkhawm hi Saitual DC Conference Hall-ah hman a ni a, Addl. DC R.Lalnghakliana chuan Miss puan­chhuahna hi a nei. Miss Mizoram 2020 Saitual District Fiona Lalṭhahlui d/o Lal­thla­muanpuia hi Saitual Venglai mi a ni a, Ft. 5.6-a sang niin; Govt. Saitual Higher Secondary School-ah Class XI zirlai niin kum 18-na a hmang mek a ni.