Golden Globe hnung zuitu Oscars

Thilṭha tih kawnga midang tihdan entawh hreh lo Oscars buatsaihtute an fakawm.

Oscars buat­saihtute chuan Golden Globes hnungzuiin award sem ceremony zawh hnua mi larte eitur an semnaah thlai aṭanga siam eitur an sem dawn. Governors Ball-a an eitur sem tur chu 70% vegan a ni dawn a, ei siamtute chuan vegetarian leh fish fare duhte chauh eitur an sem dawn a ni. Academy Awards sem hmaa Dolby Theater lobby-a an eitur semtur erawh chu thlai aṭanga siam chauh a ni dawn thung.

Academy of Motion Picture Arts & Sciences chuan thuchhuah siamin, "Academy hi khawvel hmun hrang hrang aṭanga thawnthu hriltu kalkhawm pawl a ni a, khawvel 

ṭhatna thlawp zawnga hmalak hi kan ba ve reng a ni," tiin an tarlang. Kum 10 kal ta chhung khan Academy hian  carbon hman tlem a tum hle a, Kum sarih kal ta chhungah phei kha chuan Oscars hi zero-carbon imprint a ni tawh. Helam kawnga an hmalakna hi chhunzawm zel an tum a, carbon neutral nih an tum a ni. 92nd Academy Awards hi February 9 hian February 9, 2020 Dolby Theatre, Hollywood, Los An­geles-ah sem a ni dawn.