Justin Bieber album thar tur Changes

Justin Bieber chuan Valentine's Day-ah album thar tihchhuah a tum thu sawiin, a album thar tur hi Changes tih a ni dawn tih a sawi.

2015-a Purpose album a tihchhuah hnua a album tihchhuah leh hmasak ber tur a ni dawn a, RBMG/Def Jam Recordings kaltlangin a tlangzarh ang. Changes hi JB-a studio album pangana tur a ni ve tawh dawn a, a album thar tihlarna tur hian tour a neih chhunzawm dawn bawk a ni. May 14 hian tour a nei ṭan ang a, September 16-ah a kharna a nei chauh ang.