Microsoft khûmtu amazon a hlu ber

American multinational technology company Amazon chuan Microsoft khumin khawvela company hlu ber nihna a hauh. 

Dow Jones Market Data Group chuan hemi changchuang hi tarlangin, a vawi khat nan Amazon hian company hlu ber nihna hi a rawn hauh a ni. Amazon hlutna hi $tld 797 zet a ni a, Microsoft ($tld 789) chuan a dawt a ni. Pathumna chu American Multinational conglomerate company Alphabet a ni a, Apple chu palina-ah a tla thla ve thung a ni. Apple hian hun eng emaw chen chu company zinga 'hlu ber' nihna a lo chelh tawh a ni. 

Amazon dintu Jeff Bezos chuan khawvela hausa ber nihna a chelh mek a, nikum khan Microsoft dintu Bill Gates chu a khum a ni. Jeff Bezos hausakna hi $tld 135 vela chhut a ni!

Amazon hlutna hi a pung chak hle a, quarter hnuhnung bera a hluta punna hi 3.4%  zet a ni. Microsoft nena an inthlauhna erawh a chuti teh chiam lo a, vawi leh khata inthlak danglam thut thei reng a ni. 

Nikum August thla khan Apple chuan record siamin, company zinga $1trillion kaihmasa ber nihna a hauh. Amazon hian September thla-ah a rawn kai ve leh nghal zat a, kum 2019-ah chuan khawvela company hlu ber a rawn ni ta a ni. 

Apple hlutna tlak­hniam chhan bulpui ber chu China a ni a, hei hian nasa takin nghawng a nei a ni. US leh China-te insumdawn tawnna chuan nasa takin nghawng a nei a, China-ah hian iPhone hralhna nasa takin a tla­hniam a ni. 

Hei hian kawngro thui tak a su a, compay hlu ber ni ṭhin kha palina a ni phak ṭawk tawh a ni.