Korea Festival buatsaih dawn

Green Machine Project chuan a vawi khat nan January 12, Inrinni hian Aizawl-ah Korea Festival an buatsaih dawn a, a duh a piang tan tel theih a ni.

 

Korea culture & music festival hi Vanapa Hall-ah neih tur a ni dawn a, chawhma dar 10:00-ah ṭan a ni ang. He hunah hian zaithiamte zai ngaithlak tur a awm dawn bakahah, lam thiam tak takte an che dawn bawk a ni. 

Intihhlimna hrang hrang - K- Games Jaegi leh Tuho khelh tur a awm dawn a, K-Quiz leh Drawing Relay bakah, Sing Along Challenge-te a awm dawn cheu bawk. 

Korean Food a thlawna sem a ni dawn bawk a, chu mai bakah social networking system (SNS) event siam a ni a, IG @greenmachinrprojects-ah follow-in, main event poster post chhawngte tan a thlawna thil dawn theihna free booth-ah duh duh thlan thei a ni.  

Korea Festival pual hian tunkar Zirtawpni hian Millenium Center-ah pre-event buatsaih a ni dawn bawk a, a duhte tan Karaoke contest leh K-pop Random Dance Challenge-ah tel theih a ni. Pre-event-ah hian mi vannei bik tan LG X Boom Speaker, Rs 15,000 man hu man tur a awm dawn bawk a ni. 

Entry fee hi Rs. 20 chauh a ni a, hei hi lucky ticket a ni nghal bawk.