Rosalía leh Pharrell thawk dun

Spanish singer Rosalía leh American rapper Pharrell Williams-te chu an thawkdun mauh mai. 

Rosalía hi Spanish singer zinga ṭangduang leh boruak nei lian chho berte zinga mi a ni a, Pharrell Williams nen an thawhdun avangin a chanchin hian ngaihven a hlawh zual. Pharrell Williams nen hian studio khat an bel dun a, eng hla nge an record tih leh engtika chhuak tur nge tih erawh hriat theih a la ni lo. 

Kum 25 mi Rosalía hi Spain leh a chehvelah chuan a lar tawh viau a, nikuma Latin Grammy Award-ah pawh khan a langsar berte zinga mi a ni. Nikum November thla khan a studio album pahnihna 'El Mal Querer' a tichhuak a, Billboard Top Latin Albums chart-ah pawh a thleng sang hle a ni.