Kevin Fret an kaphlum

Latin rapper Kevin Fret chu Ningani khan San Juan, Puerto Rico-ah mi tu tih hriat lohten an kaphlum. Kum 24 mi Kevin Fret thihna hian rimawi khawvel a dengchhuak hneh hle a, a bikin LGBT-teah ngawng a nei lian zual a ni. 

Kevin Fret hi zinglam dar 5:00 velah lirtheia a chuanglai kah a ni a, pwikhawihtute hian ṭum riat zet an kap a ni. A hmunah hian a thi nghal mai lo va, damdawi-in panpui a nih hnuah a thi a ni. Tun hi kumin chhunga Puerto Rico-a tualthahna a thlen ṭum 22-na a ni tawh a,  he thil thleng hi police-te chuan an chhui zui nghal a ni. 

A manager, Eduardo Rodriguez chuan, "Kevin chunga thil thleng hian min ṭhawng tak zet a, kan thu hriat hian min tihrilhhai tak zet a ni. Puerto Rico-a pawikhawihna thleng ṭhin hi tihtawp a hun tawh tak zet a ni, vanduaina tawk zinga Kevin a tel hi pawm a harsa hle. A sulhnute erawh hriat reng a ni tawh ang," tiin a sawi.