Grammy Award-ah Alicia Keys

Zei tak leh thiam taka kumin Grammy Award lo host tawh tu, American singer Alicia Keys chuan nakkum January 26-a neih tur, Grammy Award vawi 62-na chu a host leh dawn.

Grammy Award hi Los Angeles, California-a Staples Center-ah sem a ni leh dawn a, an ni huna zan dar 8-ah ṭan a ni ang. Amercian Television broadcasting company (CBS) chuan live in a pe chhuak leh dawn a ni. Nomination list hi November 20-a tihchhuah tur a ni a, zaithiam hrang hrangte chu category 84-ah an inel dawn a ni. Grammy Award dawng hnem ber chu Hungarian mi Georg Solti a ni a, ani hi orchestral leh operatic conductor a ni.

Rimawi lama chawimawina sang ber tia chhal ngam, Grammy Award vawi 15 lai lo dawng tawhtu Alicia Keys hi he award semna inkhawm host tura tih a ni leh hi a phu hle.