Kumina mipa sexy ber John Legend
People Magazine chuan 2019-a mipa sexy ber 'People’s Sexiest Man Alive'-ah 'Love Me Now' singer John Legend a thlang.
The Voice Top 20 Elimination round an endik laiin he nihna dinhmun a chelh thu hi a judge pui Blake Shelton chuan a puang a ni. Legend chuan People Magazine hnenah lawmthu a sawi bakah, a bula ṭhu ṭhin Shelton nundan leh awmdan aṭangin sexy dan a zirchhuah thu fiamthuin a sawi chhuak.
"Mipa sexy ber nihna dinhmun ka chelh takah chuan mawhphurna a sang dawn hle mai. A chhan chu mi zawng zawngin ka sexy tawk leh tawk loh min teh tawn dawn a ni," tiin Legend chuan a sawi bawk. People Magazine chuan an issue thar ber cover photo-ah John Legend hi an hmang nghal a ni.