Luke Combs leh Kacey Musgraves-ten award pahnih la

2019 Country Music Association Awards chu Nilaini khan Nashville, Tennessee-a Bridgestone Arena-ah sem a ni a, Luke Combs leh Kacey Musgraves-te chuan award pahnih an la.

Award ngaihhlut Entertainer of the Year Award chu Garth Brooks hnenah hlan a ni leh a, he award hi a ṭum sarih lakna a ni tawh. Nikum khan Keith Urban hnenah hlan ni mah se kuminah erawh Garth Brooks bawk hian a dawng leh a ni.

Luke Combs hian Male Vocalist of the Year a dawn bakah a hla 'Beautiful Crazy' hmangin Song of the Year award a dawng. Kacey Musgraves pawhin Female Vocalist of the Year award a dawn bakah 'Rainbow' music video chu Music Video of the Year award a lakpui bawk.

Zaithiam chuai thei lo Blake Shelton chuan a hla 'God's Country' chu Single of the Year award lakpuiin MTV Video Music Awards-a cheṭha tak Lil Nas X feat. Billy Ray Cyrus - 'Old Town Road' chu Musical Event of the Year atan thlan a ni.