Katy Perry leh Dua Lipa-te'n Mumbai-ah lawm an hlawh

American pop star Katy Perry leh English Singer-te chu Navi Mumbai’s DY Patil Stadium-a OnePlus Music Festival-ah Inrinni zan khan an perform.

Katy Perry hi 2012 Indian Premier League hawnna Chen­nai-a neihah khan a lo zai tawh a, Mumbai-ah erawh a vawikhat zaina a ni. Katy Perry zai hma hian Dua Lipa pawh a zai a, ani pawh hi Mumbai-a a concert vawi khatna bawk a ni a, an zai hma hian Bollywood superstar Shah Rukh Khan a hmu nghe nghe.

Dua Lipa hian Shah Rukh Khan nena an thlalak hi Twitter lamah pawh a tweet nasa hle. Katy Perry hian hla tam tak a sak zingah a hla hit “Dark horse”, “I kissed a girl”, “Bon appetite” leh “Roar”-te pawh a sa bawk. Nuam a tih thu sawi zuiin, "Ka perform laia thlawpna nasa tak ka dawng khan min tiphur hle. Ka zai laia min lo zawm khan 'goosebumps' min siam thei a ni. Mumbai leh OnePlus Music Festival hian hriatreng tawh tur thil min hnutchhiah a ni," a ti.

Dua Lipa pawhin show chu ropui a tih thu sawiin, "India-a ka gig hmasa ber a ni a, fan-te min thlawpna khan min hneh a ni! Lo kal leh thuai ka chak hle mai," tiin a sawi ve bawk.