LBS SUZUKI YOUTH ICON 2019 Top 10-ah mi 17 an tling
LBS SUZUKI YOUTH ICON 2019 Top 20 result chu November 15, Zirtawpni liam ta zanah khan puan a ni a, top 10-ah mi 17 an tling.
Intihsiak boruak a sang chho zel a, endiktute tan pawh a luhai thlak deuh a ni ang, top 10-ah mi 17 an la tling a ni. Top 10-a tlingte hian November 22, Zirtawpni zanah hian Mizo hla hmangin intihsiakna an nei leh dawn a, November 23 zanah hian Folk Song hmanga intihsiakna an nei leh bawk ang.
Top 10-a mi 17 aṭang hian mi pariat an tla tawh dawn a, November 25 zan aṭangin zantin mi pakhat zel tlain, December 4-ah top 3-te an intihsiak tawh dawn a ni. Grand Finale chu December 7-ah neih a ni ang. Top 3 intihsiakna leh Grand Finale-ah hian zaithiam te leh lam thiamte hi an perform rual dawn a, endiktu lamah pawh hmel thar pahnih kan hmu dawn niawm tak a ni.
Super Dance Crew elimination round
LBS SUZUKI YOUTH ICON 2019 peng pakhat Super Dance Crew competition chu zanin aṭang hian ṭan a ni dawn a, Dawrpui Multipurpose Centre-ah zanin hian elimination round neih a ni dawn. Dance Crew Top 10-a tlingte hi November 22 leh 23 hian an inlan ve dawn bawk a ni.
LBS SUZUKI YOUTH ICON TOP 10
1. Lalkrawsmawia Selesih Vety Complex
2. Vanlallawmawmi Bawngkawn Chhim Veng
3. Laltlanmawia Lungdai Sentlang
4. Zothanpuii Chanmari West
5. Malsawmdawngliana Chamring
6. Lawmsangkimi Model Veng
7. Ngurthansanga Khawruhlian
8. Rohlupuii Kanan
9. Lalnghakliana Hnamte Mualcheng
10. Zinnia R.Lalrinpuii Bawngkawn Lunglei Road
11. Lalramhlua Renthlei Armed Veng South
12. R.Lalsangzeli Ramhlun South
13. Vanlalhmangaiha Chawnpui
14. Lalnunkimi North Chaltlang
15. R.Lalhmingmawii Tuithiang Veng
16. Lalbiakhlua Serchhip
17. Maria Lalmuanpuii Chhiahtlang