LBS-in Suzuki Big Bike hralh thei dawn

LBS Suzuki, Bawng­kawn chu Suzuki India Private Ltd. chuan Mizo­ram mai ni lo, hmarchhak huam chhunga Suzuki Motorcycle Big Bikes hralh chhuak thei turin a thlang a, Suzuki India managing director  Koichiro Hirao leh vice president Deva­shish Handa-te chuan Inrinni khan LBS Suzuki Showroom, Bawng­kawn­ah authorised dea­lership hi an hawng a ni. 

Suzuki hotute hian India rama a hmasa ber ni turin Best Value Showroom, Kulikawnah an hawng nghal a, he showroom aṭang hian lirthei hlui hmanga a thar thleng theih tur a nih dawn bakah 'second hand' two wheeler lei theih a ni dawn - warranty leh free servicing a awm nghal ang. 

LBS hi Suzuki hnuaia India rama lirthei hralh hnem parukna an nih avangin authorised dealership an neih hma hian 'Big Bike' chu hralh phalsak an lo ni sa tawh a, tuna Big Bike hralh thei tura thlan an nih takah chuan an bike zawrhchhuah thar tur hi mi pariatin an hauh lawk. 

GSX1300R    -    Hayabusa

GSX    -    R1000R

GSX    -    S750

DL650XA    -    V Storm

DR    -    750

RM    -    Z250

RM    -    Z450

RM    -    X450Z

*Big Bikes hi Nuai 8 aṭanga Nuai 24 inkar man an ni.