BTS-in 'Map of the Soul: 7' Tracklist an ti chhuak

BTS chuan tunkar tawpa an tih chhuah tur 'Map of the Soul: 7' Tracklist chu an tlangzarh ta a, Halsey bakah Sia pawh an thawhpui.

South Korean boy band hian February 21 hian an LP palina 'Map of the Soul: 7' hi an tlangzarh dawn a, Pathianni khan tracklist ti chhuakin hla 20 a awm dawn a ni. ARMY tan chuan February 21 hi a nghahhlehawm tawh hle ngei ang, Pathiannia track list an tichhuah hnu lawkah pawh khan twitter lamah chuan #7TRACKLIST a lar nghal hle bawk.

BTS hian Map of the Soul Tour an neih dan tur hi an puangzar lawk tawh a, khawvel ram 17-ah tour hi an nei ang. An ram South Korea khawpui Seoul-a Olympic Stadium-ah tour hi an ṭan anga, chumi hnuah chuan US an tlawh leh phawt anga; Europe ram hrang hrang an fang zui ang.