Jennie YouTube channel subscribe-tu an pung chak

Blackpink Jennie chu solo-in a kal leh ta! Mahse 'solo' han tih hian rimawi lam a kawk kher lo a, ni li liam ta khan a piancham kum 25-na pualin ama pual YouTube channel thar a tlangzarh. Nimin thleng khan mi maktaduai 3.8 chuangin an subscribe der tawh!

Jennie official YouTube channel hi ‘Jennierubyjane Official’ tih a ni a, Jennie fan i nih chuan lo subscribe ve phawt mai teh. Blink hoin tim miah loin subscribe button an hmet tih a hriat a, ni li em pawh a la ral hmain subscriber maktaduai 4 dawn a nei der tawh a ni. Nagpawh Blink i nih ve chuan i follow ve ngei a ngai ang.

Nimin thleng kha chuan Jennie hian video pakhat, a YouTube channel a tlangzarh nia a dah bak kha a la dah belh lo a, mahse chu pawh chu mi maktaduai 15 chuangin an thlir leh tawh. A tlangzarh ni khan darkar 24 em pawh a ral hmain Jennie hian subscriber maktaduai 1.5 chuang a nei hman!

Jennie hian a YouTube channel-ah hian nitina a hun hman dan ṭhenkhat tihlan ṭhin a tum thu te a sawi a, minute 4.44-a thui video a dahchhuahah hemi chungchang hi a sawi a ni. Ṭhalaite zinga zaithiam lar ber pawl ni mek Jennie hian Inrinni liam ta khan kum 25 a tling a, Blackpink fan ram hrang hranga mite chuan a piancham pawh an 'wish' nasa hlawm hle.