MCR 'Black Parade' Billboard 200-ah an lang leh!

My Chemical Romance chuan October 31 khan reunion an neih dawn thu an puang a, an hlawkpui hle a ni ang Billboard 200-ah 2006-a an tihchhuah, an album hit tak mai 'The Black Parade' chu a rawn lang leh der mai.

Reunion show an nei dawn tih an puan hnu karah khan an hla stream tu chu mi maktaduai 22.6 zet an awm leh hman tawh a, heihi reunion an puan hma aiin 98%-in a tam zawk. An album pawh 16, 000 lai hralh leh nghalin, heihi 127% zetin a pung a ni. Reunion an puan hma aiin an hla download-tu pawh 193%-in an pung bawk.

American emo rock band-te lo let leh tur hian boruak an nei a, 'The Black Parade' album chu unit 8,000 hralh leh der tawhin Billboard 200-ah No. 92-na an hauh phak leh tawh a, 2016 hnu lama top 100-a an lan leh vawi khatna a ni hial.

An hla 'Teenagers', 'Helena' leh 'I'm Not Okay (I promise)'-te chu stream nasat zual an ni. December 20 hian Los Angeles-a Shrine Auditorium-ah 2012 hnua a vawi khatna ni turin an inlan dawn a ni.