UK sales charts-ah Pokémon Sword and Shield chungnung

UK game sales charts-ah 'Pokémon Sword' chu hralh chhuah tam ber niin Star Wars Jedi: Fallen Order ai pawhin leitu an tam. Hralh chhuah tam pathumnaah 'Pokémon Shield' a awm bawk a ni.

Pokémon Sword and Shield game hi Zirtawpni liam ta khan tlangzarh a ni a, tlangzarh a nih aṭanga rei loteah UK sales charts-ah pakhatna leh pathumna dinhmun a hauh thei nghal a ni. UK sales charts-a pa­khatna leh pathumna din­hmun an hauh theih mai bakah hian kumin chhunga video games tihchhuah tawha huhang ngahber a ni bawk.

Pokémon Sword and Shield hi Japanese video game developer Game Freak siamchhuah a ni a,  The Pokémon Company leh Nintendo-te chu publisher niin,  Pokémon eighth gene­ration-te man theihin an awm tawh a ni. Nintendo Switch aṭanga khelh tur niin, Nintendo Switch pawh hi an hralh hnem phah hle rin a ni bawk.

1)    Pokémon Sword

2)    Star Wars Jedi: Fallen Order

3)    Pokémon Shield

4)    Call of Duty: Modern Warfare

5)    FIFA 20

6)    Luigi's Mansion 3

7)    Pokémon Sword & Shield: Dual Edition

8)    Death Stranding

9)    Mario Kart 8 Deluxe

10)    Mario & Sonic at the Olym­pic Games Tokyo 2020