Christian Bale-a'n Batman a chan chhunzawm loh chhan a sawi

Mi tam takin Batman role play tawha la thiam bera an ngaih, Christian Bale chuan Batman Dark Knight trilogy director Christopher Nolan chu Batman-a a chan chhunzawm duh loh chhanah a puh.

Toronto Sun chanchinbuin an kawm­naah,"Christopher khan The Dark Knight pathumna kan siam zawhah kan thawk dun tawh lo ang, tia a sawi vangin kum 2021-a 'The Batman' tihchhuah tuma chang tura Warner Bros. sawmna pawh ka hnawl a ni," a ti. 

Kum 2005-a tihchhuah tak Batman Begins-ah khan chang tura an sawm hnuah, The Dark Knight (2008)-ah a chang leh a, The Dark Knight Rises (2012)-ah Bale hi a chang leh bawk. American superhero film 'The Batman' kum 2021, June 25-a United States-a tlangzarh tura tihah hian chang turin min sawm a, mahse director Christopher duhdan hi ka zah sak a ni, tiin Bale chuan Batman-a a chan loh chhan a sawi chhhuak.