Fast and Furious 9-ah Brian O’Conner!

Nakkum May thlaa tihchhuah tur Fast and Furious 9-ah Brian O’Conner kan hmu leh thut mai thei!

LadBible-in a tarlan dan chuan Fast and Furious 9 siamtutute hian kum 2013-a car chesuala thi ta Paul Walker aiawhtur an zawng mek a ni. Paul Walker hi kum 2013 khan Los Angeles-ah kum 40 mi niin car chesualah a thi a, tunthla Pathianni tawp berah hian kum ruk a liam chiah dawn. Kum 2015-a tihchhuah Fast & Furious 7 chan zawh hmaa a thih tak avangin amah ang tak tur, a taksa ang (body doubles) hire nan leh a hmel amah ang tura CGI hmanga siamna atan khan $mtd 50 zet an hmang niin an sawi.

Tunah hian Walker-a body doubles hi Fast and Furious siamtute hian an zawng leh mek niin thuthang a awm a, heihi thudik a nih chuan nakkum May 22-a tihchhuah tur Fast 9-ah hian Brian O' Conner kan hmu leh dawn a ni.