Feli Fanai Pune leh Hyderabad lamah

'Pheichhehmawi i khai ang' tih hla hmanga Zoram mipui min awi tleitu Feli Fanai chuan Mizoram mai ni lo, phai lama event hrang hrangah pawh sawmna a dawng nasa hle. Tunah pawh Pune leh Hyderabad lamah perform tura sawmna dawngin zanin hian Pune-ah a zai ang.

Pune-a a zaina tur hi Shooting Star event-ah a ni a, zanin hian a zai dawn a, Thawhṭannia zai tur hian Hyderabad-a Singnature event-ah sawm a ni bawk a, Pune-a a zai zawh hian Hyderabad lam hi a pan leh nghal ang. Assam Dima Hasao District-a festival lian, Falcon Festival-ah pawh kar liam ta khan a lo zai tawh bawk a, Mizoram mai ni lo, ramchhung hmundanga awmte pawh a awi tlei hle a ni. 

December 15-17-a neih tur North East Youth Festival-ah pawh sawmna a dawng leh mek bawk tih Feli hian a sawi a, hei erawh a la 'confirm' lo thung a ni.