Batman film siamtute nen inpawhna ṭha kan neih loh chuan ka chang lo ang : Robert Pattinson
English actor Robert Pattinson chuan Harry Potter film-a a chan lai anga film siamtute nen inpawhna ṭha an neih loh chuan Batman-ah a chan dawn loh thu a sawi.
Podcast HFPA hmanga thu a sawinaah Pattinson chuan kum 2005-a tihchhuah tak, "Harry Potter and the Goblet of Fire" film a chanlaiin ngaihsak a hlawm em em thu leh, shooting an neih laia a tlangnel thu a sawi a ni.
"Tokyo-a shooting kan neihin ka room-a ka ṭhut lai chuan pawnlam khawpui mawi tak chu ka thlir vang vang a, chutah chuan engtin nge heng thilte hi ka thlen phak tih ka ngaihtuah a ni. Khang film ka chang ve ringawt thei kha ka lawm a, Harry Potter film hi ka ngaina a ni. Khang ang a nuam kha ka tawng leh a nih dawn loh chuan Batman-ah hian ka chang lo ang." tiin Pattinson chuan Harry Potter a chanlaia a hun tawn leh kha film-a a telve kha a ngaihhlut thu a sawi.
Batman hi June 25, 2021-a tlangzarh hman tum a ni a, mi tam tak chuan Pattinson-a Batman lema a chang tur hi inhmeh lo an ti hle a, chutih rualin mi eng emaw zat chuan an nghakhlel ve thung a ni.