Environment ṭhatna duhtu Coldplay

Coldplay chuan an album thar ber tihlarna tur tour nei turin ruahmanna an la siam lo tih sawiin, environment tana hlawkna a awm dawn a nih loh chuan tour ruahman an tum lo tih an sawi.

Chris Martin chuan tour an nei leh a nih chuan engtin nge environment tan ṭhatna an thlen theih ang tih an ngaihtuah tel dawn tih sawiin, carbon neutral a nih loh chuan an lungawi dawn lo tih a sawi bawk.

British band hian "A Head Full of Dreams" tour an neih zawh takah khan show 122 an nei a, khawvel ram hrang hrang an fang a ni. Nimin khan an album thar ber "Everyday Life"  an tlangzarh a, a tihlarna tour an buatsaih dawn a nih pawhin environment tana pawi lo zawngin tour an neih ngei a rinawm.