BTS band member-te sipai training tir an ni ang: SKorea
National Agenda Checking and Adjustment Meeting vawi 94-na chu nimin khan hman a ni a, South Korea sorkar chuan khawvel huapa lar K-Pop star BTS band member-te pawh sipai training tir an nih tur thu a puang.
He meeting-ah hian SKorea-in an hman mek sipai training rules chu an hman dawn thu an tarlang bawk. SKorea sorkar hian athletes emaw infiammi Olympic a lawmman la thei chin erawh training turin a awl ṭhin thung.
SKorea ramah hian mipa tawh phawt, kum 18-28 inkar chu sipaiah sorkarin a ṭantir ṭhin a, Army atan emaw Marine Corps atan thla 18 an training ṭhin. Navy-ah chuan thla 20 chhung training an nei thung a, Air Force-ah thla 22 training a nei ṭhin bawk.