Tencent Music Entertainment Awards winner Taylor Swift

China Tencent Music Entertainment Awards winner zingah Taylor Swift hming a lang a, he award semna ceremony hi Pathianni-a pek chhuah tur hi niin Taylor Swift hian video kaltlangin award hi dawng ang.

Tencent Music Enter-tainment Group hi China-ah chuan online music entertainment platform hmahruaitu an ni a, a kum hnihna atan Music Entertainment Awards hi an sem leh dawn a ni. Taiwanese pop star Jay Chou pawh award la tur zingah hian a tel.

Awards ceremony hi The Venetian Macao-ah neih a ni dawn. Taylor Swift hian rimawi lama chawimawina awm zawng zawng a hui dawn emaw tih mai tur a ni tawh a, US-a an sem langsar tak tak- Grammy Awards 10, American Music Awards 32, Billboard Music Awards 23 leh MTV Video Music Awards 11 lai a dawng tawh.

UK, Australia, Germany leh ram dang eng emaw zatin award an semah pawh a dawng zel a, kum 2014 leh kum 2019 khan IFPI global recording artist of the year atan thlan a ni tawh bawk.