NETFLIX-in subscriber mtd 200 chuang nei tawh

Netflix chuan nikum kum tawp thleng khan subscriber maktaduai 200 an nei tling tawh a, nikum chhung khan subscriber an neih belh nasa hle.

Nikum fourth quarter chhung ringawt khan paid streaming subscriber mtd 8.51 an neih belh leh a, hei hi an beisei aiin mtd 2.5 laiin a tam zawk a, kum 2020 kum tawpah kha chuan khawvel pumah subscriber maktaduai 203.7 lai an nei tawh.

Nikum Q4-ah kha chuan an beisei dan chuan khawvel pumah subscriber mtd 6 vel an neih belh an ring a, mahse an beisei aia tam daih subscriber an neih belh a ni. Hripui leng an chhawr viau a nih a rinawm a, nikum chhung ringawt khan streaming customer mtd 36.6 an neih belh! Kum khat chhunga an ngah ber ṭum a ni.

Netflix co-CEO Reed Hastings chuan Thawhlehni khan an company chuan ṭhanna tur an la ngah hle tih sawiin, US-ah ringawt pawh TV viewing time 10% hnuaiah an company chu a la awm tih sawiin, subscriber ngah hle mah se viewing time neih belh an duh thu a sawi.