Donald Trump-a'n Lil Wayne a ngaidam

US president chhuak mai tur Donald Trump chuan Thawhlehni zanah khan zahngaihna a lantir tur list a tichhuak a, chung list-ah chuan Lil Wayne leh Kodak Black-te hming pawh a tel.

Donald Trump chuan zahngaihna a lantirna tur list a tichhuak a, mi 73 hming chuangin hetah hian Dwayne Michael Carter Jr. leh Bill K. Kapri-te hming pawh hi a tel a ni. Heng mi 70-te bakah hian midang 70 hremna tur chu a tinep bawk.

Kum 2019 December thla khan federal agent-te chuan Lil Wayne private thlawhtheihna Miami-Opa Locka Executive Airport, Florida-a mi chu dapin hetah hian ralthuam leh ruihhlo an man a ni. Khatih hunlai khan amah ngei pawh hi thlawhtheihnaah khan a chuang a, a attorney Howard Srebnick chuan kha thubuaiah khan a him niin a lo sawi tawh thung.

Florida Southern District US Attorney chuan nikum kum tawp lamah khan a thubuai hi bawhzui lehin ralthuam kawlah a puh a, kum 10 tang tura hrem theih a ni a, a thubuaia thutlukna hi January 28 hian puan a ni dawn chauh a ni.