Drake = Spotify roreltu

Tunhnai khan official chiah loin thuthang a awm tawh a, tunah chuan a chiang ta.  Canadian rapper/singer Aubrey Drake Graham chu khawvela zaithiam awm zinga Spotify-a a hlate vawi tluklehdingawn 50 chuang stream nei tling thei hmasa ber a ni.

Entertainment news lama beng var tak Variety chuan hemi chungchang hi Thawhlehni khan tarlangin Drake pawh hian Thawhṭanniah khan official-a puan a nih hmain social media lamah hemi chungchang hi a lo tar lang tawh bawk.

Drake-a mellung phum thar hi thil ropui tak ni mah se mi tam tak chuan mak an ti lo mai thei. A chhan chu kum 2018-a a hla tihchhuah 'God's Plan' ringawt pawh khanan stream tld 1.675 a nei tling thei tlat alawm! A hla dang eng emaw zat chuan stream maktaduai 100 chuang a nei bawk. Spotify-ah chuan a lal len a ni ber mai. A record hi khum a har tawh ang.

Tun thla chhung ngei hian  OVO Sound leh Republic Records kaltlangin a studio album parukna tur Certified Lover Boy chu tlangzarh a la tum bawk. A record hi a la turu chho zel dawn tih a chiang. Toronto-a piang Drake hi 2010's-a Spotify’s most-streamed artist-ah pawh thlan a lo ni tawh a, Ed Sheeran, Post Malone, Ariana Grande leh Eminem-te chungah Spotify-ah na na hi chuan a lo leng tawh a ni.