K-Pop Star Goo Hara a thi

South Korean K-pop star Goo Hara chu Pathian­ni khan a inah thia chhar a ni a, police-te chuan a thih chhan hriat a la nih loh thu an sawi.

Kum 28 mi Goo Hara hi thla ruk kal ta khan a inah hian nikhaw hre loa hmuh a lo ni tawh bawk a, an ram media-te chuan mahni intihhlum tum niin an lo sawi tawh bawk. Hara hi girl band Kara member ṭhin a ni a, a hnuah solo-in a kal zui a, South Korea leh Japan-ahte tour a nei ṭhin a ni.

Thi a chhar a nih hun hi an ram huna tlai dar 6 a ni a, Inrinni khan a In­stagram-a a thlalak post-ah chuan a caption-ah 'Good night' tih a hmang a, hemi hnu hian post dang a nei zui tawh lo. Kumin kum tir khan Japan-a talent management agency pakhat chu inremna ziahpuiin tun thla tir lawk pawh khan hla thar 'Midnight Queen' tih chu a tlangzarh a ni.