Kate Middleton-i'n an nupa cheitu lawmthu a hrilh
October thlaa Britain Duke leh Duchess of Cambridge, Prince William leh Kate Middleton-te nupain Pakistan an tlawh ṭuma an thawmhnaw hak tirtu leh cheitu, Khadijah Shah hnenah Kate chuan mawi taka an nupa a chei avangin, lawmthu sawina lehkha a thawn.
"Pakistan-a kan cham chhunga nang leh i team te'n min puihna zawng zawngah khan ka lawm lutuk. Min thuamna kha mawi ka ti em em a, kan tan hun leh tha min pek avangin ka lawm hle a ni. Pakistan chu ram nuam tak a ni a, engtik niah emaw chuan ka lo kal leh ngei ka ring a ni." tiin Kate chuan Khadijah Shah hnenah hian lawmthu a sawi a ni.
Britain lal fapate nupa hian thla hmasa khan Pakistan-ah royal tour an nei a, Pakistan an tlawh vawi khatna a ni. United Kingdom Foreign and Commonwealth Office ngenna angin Prince William-te nupa hi Pakistan-ah hian an zin a, kum 2006-a Prince of Wales leh Duchess of Cornwall, Prince Charles leh Camillaten an tlawh hnua, Britain lal chhungkua Pakistan tlawh leh hmasa ber an ni.