Taylor Swift-i'n King of Pop record a khum
American Music Awards 2019 chu an ram huna Pathianni zanah khan Microsoft Theater, Los Angeles-ah sem a ni a, ABC chuan live-a broadcast-in Ciara-i'n a host a ni.
Taylor Swift hnenah award ngaihhlut Artist of the Decade award hlan a ni a, award la hnem ber ni bawkin, King of Pop Michael Jackson record lo siam tawh chu a khum bawk. Nomination paruk hmutu Billie Eilish chu kut ruakin a haw lo chiang a, New Artist of the Year leh Favorite Alternative Rock Artist award-te a la bawk.
Lady Gaga & Bradley Cooper-te channa A Star is Born leh Spider-Man: Into the Spider-Verse chuan Bohemian Rhapsody ngam loin, Bohemian Rhapsody chuan Favorite Soundtrack a dawng a ni. BTS hnenah Tour Of The Year award, Favorite Social Artist leh Favorite Duo or Group- pop/rock award hlan a ni a, anni hian US lamah lawm an hlawh chhunzawm zel tih a hriat.
Award pahnih la thei zingah Carrie Underwood a tel a, ani hian Favorite Female Artist- Country a dawn bakah a album Cry Pretty chu Favorite Album- Country a lakpui bawk. Kumina AMA award semna hi kumdang ang bawkin Red Carpet aṭangin a hot a, perfomance reng reng a hmuhnawm vek a ni.
Tute nge perform?
Zaithiam lar tak tak perform zingah hian Billie Eilish, Shania Twain, Selena Gomez, Jonas Brothers, Halsey, Shania Twain-te pawh an tel a, thla tira Mumbai-a rawn zai Dua Lipa pawhin 'Don't Stat Now' sa ve bawkin lawm a hlawh hle.
Shawn Mendes leh Camila Cabello-te chuan 'Señorita' perform dun lehin, mipui thawm a ring hle a, he hla hi Collaboration of the Year award an lakpui nghe nghe. Christina Aguilera leh A Great Big World-te an zai bawk a, Post Malone, Green Day, Kesha, Toni Braxton, Thomas Rhett , Lizzo leh Ciara-te pawh an perform bawk.
Taylor Swift ropui zan
Pathianni zana AMA award semah hian mipui mit fukna ber chu Taylor Swift a ni. King of Pop, Michael Jackson-a'n AMA lak tam lama record a lo siam tawh chu Taylor Swift hian a khum ta a ni.
Swift hian a hmain AMA hi 23 a dawng tawh a, Michael Jackson hian 24 a dawng thung. AMA 2019-ah hian 'Artist of the Year', 'Favorite Female Artist Pop/Rock', 'Favorite Album Pop/Rock', 'Favorite Artist Adult Contemporary', 'Favorite Music Video' leh 'Artist of the Decade Award' award-te a dawng a, AMA 29 lai dawng thei record siamin, mimal anga AMA la hnem thei ber a ni ta.
"Nomination list ka hmuhnaa ka category awmnate kha a namai lo hle a, tu pawn dawngs e an phu vek a ni. Ka record label, Universal Republic chungah lawmthu ka sawi bawk a, music ka duh ang apiang min play pui theih zel avangin ka lawm em em a ni. Ka fan-te chungah pawh lawmthu ka sawi tak meuh meuh," tiin Swift chuan award a dawn chungchanga a lawmthu a sawi a ni.
AMA semnaah hian Swift hi zai nghalin, kum 10 kal ta chhunga a hla hit hrang hrangte a medley a, 'Shake It off'-ah phei chuan Camila Cabello leh Halsey-te'n an zaipui nghe nghe. Tunlaia a larpui em em 'Lover' pawh a sa bawk a ni.
AMA 2019 Winner list
Artist of the Year Taylor Swift
New Artist of the Year Billie Eilish
Collaboration of the Year Shawn Mendes & Camila Cabello, Señorita
Tour of the Year BTS
Favorite Music Video Taylor Swift, You Need to Calm Down
Favorite Social Artist BTS
Favorite Male Artist – Pop/Rock Khalid
Favorite Female Artist – Pop/Rock Taylor Swift
Favorite Duo or Group Artist – Pop/Rock BTS
Favorite Album – Pop/Rock Taylor Swift, Lover
Favorite Song – Pop/Rock Halsey, Without Me
Favorite Male Artist – Country Kane Brown
Favorite Female Artist – Country Carrie Underwood
Favorite Duo or Group – Country Dan + Shay
Favorite Album – Country Carrie Underwood, Cry Pretty
Favorite Song – Country Dan + Shay, Speechless
Favorite Artist – Rap/Hip-Hop Cardi B
Favorite Album – Rap/Hip-Hop Post Malone, 'Hollywood’s Bleeding'
Favorite Song – Rap/Hip-Hop Lil Nas X ft. Billy Ray Cyrus, Old Town Road
Favorite Male Artist – Soul/R&B Bruno Mars
Favorite Female Artist – Soul/R&B Beyoncé
Favorite Album – Soul/R&B Khalid, Free Spirit
Favorite Song – Soul/R&B Khalid, Talk
Favorite Artist – Alternative Rock Billie Eilish
Favorite Artist – Adult Contemporary Taylor Swift
Favorite Artist – Latin J Balvin
Favorite Artist – Contemporary Inspirational Lauren Daigle
Favorite Artist – Electronic Dance Machine Marshmello
Favorite Soundtrack Bohemian Rhapsody by Queen