Sailothangi Sailo Music Video thar a hnai

Hranghlui zaithiam, a zai hmanga Zoram mipuite thiam taka min awi tawh ṭhintu Sailothangi Sailo chuan Music Video thar 'In va hlu em!' a tichhuak dawn.

Sailothangi Music Video tur hi Lalrinliana Sailo MLA (Speaker) nu leh pa hriatrengna tura siam a ni a,  Lalnithangi Sailo phuah niin, music & Recording hi Zonun Recording Studio a tih a ni. Video hi Zoa Video Production kutchhuak a ni thung. 

He hla hi Nu leh Pa te lo hlut zia tarlanna a ni. Nu leh pa te'n harsa tak chung pawha fate nunkawng dik an lo zirtir a, theih tawpa Pathian hnena a an hlan ṭhin, an fate seilen hnua Nu leh Pa te'n an zar zo hman loa an boral leh ta si, an faten an zar zo ve se an tihna lam hla a ni. He hla hi December 5 hian tlangzarh a ni ang.