LBS Suzuki Youth Icon 2019 leh Super Dance Crew Competition Boruak a sang chho zel
LBS Suzuki Youth Icon 2019 & Super Dance Crew 2019 neih mekah kar kal ta Zirtawpni leh Inrinni zana Icon top 10 a tling mi 17-ten intihsiakna an neih atangin hengte hi an tling.Lalramhlua Renthlei, Armed Veng South
Lalkros Mawia Chhangte, Selesih
R Lalsangzuali, Ramhlun South
Zothanpuii, Chanmari West
Lalbiakhlua, Serchhip
Vanlalhmangaiha, Chawnpui
Laltlanmawia, Lungdai, Sentlang
Malsawmdawngliana, Chamring
Rohlupuii, Kanan.
Lawmsangkimi, Model Veng chu Judge, Victor-a Wild Card hmang in a tling bawk.
Super Dance Crew-ah Nigh Lady an tla ve thung a, BPS, Pre pathfinder, Flava, Ferocity, galaxies, G.O.V, Rhythmic Nation, hastag 1, HBC Team te an la tling a ni. Thawhṭanni zan khan zai leh lama la tling ten intihsiakna an nei leh nghal a, Nizan khan Icon-ah pahnih an tla leh bawk a, he thu buatsaih lai hian tlate hi hriat hman an ni lo thung. Top 8 intihsiakna neih chhunzawm niin Super Dance Crew-ah pakhat an tla bawk.
Calendar lo siam lawk tawh tlem tihdanglam leh hret a awm a, November 29-a Top 5 contest awm tura tih chu tihdanglam niin, November 30, Inrinni zanah Top 5 contest hi neih a ni zawk dawn. Hemi zan hian zai leh lam a awm dawn a, zaite hian English leh Mizo hla an sa anga, an English sak hi lamthiamte hian an lamrem dawn a ni. Kumin Youth Icon sponsor-tu zingah hian Star India leh Vh1-te pawh an tel a ni.