‘King Leopold’s Ghost’ director atan Ben Affleck
Oscar pawh lo dawng tawhtu, American actor kum 47 mi Ben Affleck chu Adam Hochschild lehkhabu ziah lar em em mai 'King Leopold II' zulzuia siam tum, ‘King Leopold’s Ghost’ film-a director leh producer tur a nih thu, Deadline Hollywood chuan a tarlang.
He film-ah hian King Leopold-a'n Africa ram leh a chhehvelah Kristian sakhua thehdarh tuma ṭan a lak dan tarlan a ni ang. King Leopold II lehkhabu hi kum 1885-1908 inkara Belgium Lal Leopold II-a'n Congo ram a hnehchhuh dan chanchin inziahna a ni. King Leopold II hi a hunlaia khawvela mihausa ber a ni a, a film an siam tur hi Farhad Safinia chuan a script a buaipui dawn a ni.