Billboard's Woman Of The Year award Dawng thei naupang ber tur Billie Eilish

American entertainment media brand Billboard chuan December 12-a Hollywood-a 'Billboard Women in Music gala' a buatsaih turah, Alternative pop singer Billie Eilish hnenah 'Billboard's Woman Of The Year' chawimawina an hlan dawn thu an puang. 

Pathiannia neih zawh tak American Music Awards (AMA) 2019-ah khan Billie Eilish hi zaitur satliah ringawt­in a kal lo a,  nomination 6 a hmuh zingah Best New Artist leh Artist Alternative Rock award a hawn thei a ni. Hemi a nih avang hian December-a chawimawina a dawn leh tur pawh hi la naupang hle mah se a phu titu an tam hle tho ang.

Billie Eilish hian December 18 hian kum 18 a tling dawn a, kum 18 a tlin hma ni ruk la awmah "Billboard's Woman Of The Year" hi dawng dawnin, he chawimawina dawng thei naupang ber record a siam dawn a ni.

Ani bakah hian Taylor Swift chuan 'Billboard's Woman of the Decade Award' a dawng dawn a, Alanis Morissette chu 2019's Icon Award hlan a ni bawk ang. Nicki Minaj pawhin Game Changer award a dawng dawn a, Brandi Carlile pawh Trailblazer award hlan a ni dawn bawk. Desiree Perez chu Billboard's Executive of the Year chawimawina hlan a ni bawk ang.