UD&PA Swachh Bharat Mission nen hun hmang ho

RFL Plastics Miss Mizoram 2020 thlanna kal mekah finalist mi 17-te chu nimin khan faina lama an thawpui Urban Development and Poverty Alleviation Department (UD&PA) Swachh Bharat Mission (Urban) nen hun an hmang ho.

UD&PA Conference Hall-ah hun an hmang hmasa a,  Rita Lalnunmawii Pachuau, Joint Director chuan Miss Mizoram 2020 finalist-te hnenah hian an hmalak dan tlangpui a hrilhfiah a ni. C. Laltleipuii, Deputy Director chuan bawlhlawh sawngbawl dan dik loin kan sik leh sa a tih bawrhban dante leh district lamah pawh faina lama hmasawn zel tura fuihna thu a hrilh ve bawk.

Conference Hall-a hun an hman zawh hian inṭhen darhin Aizawl Solid Waste Management Centre, Tuirial leh Chite luite an tlawh a ni.