Pussycat Dolls reunion Inrinniah!

Nicole Scherzinger, Ashley Roberts, Kimberly Wyatt, Jessica Sutta, Carmit Bachar leh Melody Thornton-te chu Pussycat Dolls angin kan hmu leh dawn hnai niin a lang.

U.K. X Factor: Celebrity finale Inrinnia  neih turah hian Pussycat Dolls-te hi an perform dawn nia tarlan niin, judge Louis Walsh chuan hemi chunghchang hi a sawichhuak a ni. Ashley Roberts chuan thla tira Daily Mail-in an kawmnaah Pussycat Dolls reunion neih tur thu hi lo sawi zuai tawh mah se, reunion an nei dawn tih erawh chiang takin a sawi lang lo thung. A ṭhiante nen chuan an hun hmanho an ngaih thu leh team anga awmho leh theih chu tuman an hnial dawn loh thu a sawi.

Pussycat Dolls reunion hi Nicole Scherzinger chuan thlen­tir a tumna a rei leh deuh tawh thung a, October thla pawh khan a bandmate-te nena an perform ho hunlai a ngaih thu a lo sawi tawh bawk. Nilaini pawh khan Scherzing­er hian a Instagram-ah reu­nion an nei ngei dawn tih hi a lo post tawh a, a story leh a post siamah #PDCReunion tih a tarlang a ni.

Kum 2010-a an perform ho bak kha an la perform ho leh lo a, Inrinniah hian an perform ho leh thei dawn nia tarlana a awm pawh hi an fan-te chu an lawm hle.