Godzilla vs. Kong nakkum November-ah tlangzarh tum

Ruahman lawk ang chuan nakkum March 13 hian Godzilla vs. Kong film chu tlangzarh tum a ni a, mahse remchan zawkna avangin nakkum November 20-ah tlangzarh tum a nih zawk thu film siamtute chuan an tarlang.

Godzilla vs. Kong hi Adam Wingard chuan a direct a, Legendary’s monster universe tihchhuah film palina tur a ni. Godzilla franchise 36-na tur a ni a, King Kong franchise film 12-na tur a ni bawk. Legendary’s monster universe hian Godzilla (2004), Kong: Skull Island (2017) leh Godzilla: King of the Monsters (2019)-te an lo tichhuak tawh. Swedish actor Alexander Skarsgård, English actress Millie Bobby Brown, British actress Rebecca Hall leh  American actor Brian Tyree Henry-te chu he film-ah hian kan hmu dawn a ni.   

Kumina tihchhuah Godzilla: King of the Monsters film hi a hlawhtling thawkhat bawk a niang, he film hian $mtd 385 a la lut der tawh. Godzilla (2004)-in $mtd 524-a lalut bawk a, Kong: Skull Island (2017) khan  $mtd 566-a lalut bawk.