Superman-ah Michael B Jordan?

Motion pictures/entertainment company Warner Bros. chuan Superman lema chang turin American actor Michael B Jordan chu an ngaihven niin khawthlang media-te chuan an tarlang.

British actor Henry Cavill chuan hnehsawh takin Superman lem hi lo chang ṭhin tawh mah se a contract a zo tawh a, a thar an ziahpui tawh lo a ni. Variety magazine chuan Warner Bros. company leh B Jordan-te hi Superman film thar tur chungchanga an inbiak tawh thu a tarlang. Kum 2023 hmaa thlangzarh hman an rin loh thu an tarlang bawk. 

Kumin January thla khan Warner Bros. company leh B Jordan a company 'Outlier Society' chuan thawhdunna turin inremna an ziak tih tarlan a lo ni tawh bawk a, hemi avang hian Warner Bros. company leh B. Jordan-te hian inkungkaihna ṭha tak an nei thei tih a hriat theih.

Michael B Jordan Superman-ah a chang dawn nia thuthang awm hi a dik a nih chuan Superman mihang hmasa ber kan hmu dawn a nih hmel a, hei hian mi tam tak chu a tihnual ngei ang.