Mariah Carey hla 'All I Want For Christmas Is You'-in record pathum a siam

Mariah Carey chuan 1994-a a Krismas hla tihchhuah chuai thei lo 'All I Want For Christmas Is You' hmangin Guinness World Records pathum a siam.

Thawhṭanni khan Las Vegas-a Colosseum-a Christmas Show-ah Guinness World Records organization chuan Mariah Carey hnenah hian a record siamna hi an hlan a, he hla hmang hian Carey hian record pathum a siam a ni.

E!News-in a tarlan dan chuan Carey hian 'All I Want For Christmas Is You' hmang hian highest-charting holiday song on the Hot 100 by a solo artist record a nei mek a, hemi bakah hian darkar 24 chhunga Spotify-a hla stream nasa ber nikum December khan lo siam tawhin mi maktaduai 10.8 zetin an stream a ni. A pathumna chu Krismas hla, UK singles Top 10 chart-a lang rei ber a ni leh bawk.

Mariah Carey pawh hi a lawm hle a, Instagram lamah a lawmthu hi tarlangin Guinness World Records-in an 2020 book-a a record pathum lai an ziaklut chu a lawmthu a sawi a ni.