Tuaisiala 'Suangtuahna Neitu'

Lawngtlai rawlthar kum 18 mi lek Tuaisiala chuan hla thar 'Suangtuahna Neitu' tih chu zanin hian a tichhuak dawn.

Tuaisiala hi mi tam takin kan la hre kher lo ang, amaherawhchu a produce-tu hi Ramenga (Triau Trackx) a ni miau a, music video pawh hi Ramenga YouTube channel-ah upload a ni ang. Ramenga'n a produce hreh loh danah hian Tuaisiala hla thar hi a hit viau beisei ila a sual lo ang.

Triau Trackx hla tam ber phuahtu leh, 'Thinglung Khawngaihthlak' leh 'Thinlung Lungchhiatthlak Ber' phuahtuin a produce tur hla hi eng ang taka nalh nge tih chu hriat a chakawm tawh hle. 'Suangtuahna Neitu' hi tunlai tleirawl/rawltharte duh tur zawng tak niin Ramenga chuan a sawi a, hla phuahtu pawh hi amah Tuaisiala hi niin, LS Records, Lawngtlaiah recording an ti thung.

Music Video-a model hi TikTok leh IG lama a video hrang hrang kan hmuh ṭhin, Adeline Pach a ni bawk a, ani hi a zei bawk a, a video pawh hi a hmuhnawm ngei ang tih a rin theih.