Dove Awards Perform tur zingah Lauren Diagle leh GVB

Nashville, Tennessee-a October 5-a sem tur, Gospel music huangchhunga chawimawina sang ber tih ngam Dove Awards semnaa perform tur list tihchhuah thar leh zingah Lauren Daigle leh Gaither Vocal Band-te chu hming langsar an ni.

Gospel Music Association (GMA) chuan John Crist, Tasha Cobbs Leonard, Zach Williams, Blanca, Brown Bannister, Don Moen, Evan Craft, Gloria Gaither, Nicole C. Mullen, Point of Grace, Shirley Caesar leh William McDowell-te pawh an perform dawn tih an tarlang chiang tawh bawk.

Kumin Dove Awards-ah hian perform tur an hrawl hle a, list tihchhuah hmasakah khan MercyMe, Lecrae, Phil Wickham, Brian Johnson and the Bethel Music Band, Steven Curtis Chapman, Amy Grant, Michael W. Smith, Cece Winans, TobyMac, Hillsong Worship leh Kirk Franklin-te hming pawh sawilan a lo ni tawh bawk a, nghahhlelhawm tawh tak a ni.

Kumtina sem ṭhin GMA Dove Awards hi kumin hi a ṭum 50-na tur a ni tawh dawn a, kum telin ngaihhlut a hlawh telh telh a ni.