Pop-Punk album ṭha ber Green Day 'Dookie'
American online rock magazine Loudwire chuan Pop-Punk album ṭha 50 a tarchhuak a, Green Day-in 1994-a an tlangzarh 'Dookie' chu a ṭha berah an thlang. Blink-182 'Enema of the State' chu pahnihna niin Descendents 'Milo Goes to College' chu pathumna a ni bawk.
Pop-Punk album ṭha 50 thlanchhuahte hi Mizote pawhin kan hriat tak takte anni hlawm a, Punk Rock lam tuipui tute tan chuan thu chhiar nuam tak pawh a ni ngei ang.
Dookie
Green Day hian 'Dookie' hi February 1, 1994 khan an tlangzarh a, an studio album pathumna a ni. He album-a hla tam ber hi an frontman Billie Joe Armstrong ziah a ni a, thil ninna, rilru hahna leh inlaichinna chungchang a ni ber.
Basket Case leh When I Come Around-te chu he album-a hla lar zualte an ni a, 1995 khan Green Day hian Grammy-ah Best Alternative Album an dawnpui bawk a ni. 2014 thleng khan copy maktaduai 20 an hralh tawh a, an album hralh ṭhat ber a ni nghe nghe. Rolling Stone chuan "500 Greatest Albums of All Time" a tihchhuahah 193-naah a dah a ni.
Blink 182, Fall Out Boy, Sum 41
Pop-Punk album ṭha zual 50 zingah hian Blink 182, Fall Out Boy leh Sum 41-te hi an langsar a, an album pakhat aia tam a langphak a ni. New Found Glory pawh langsar zingah hian an tel a, a ṭhen hi chuan an album pathum laite an lanpui thei.
Top 10-ah hian Paramore chuan an album 'Riot' an lanpui phak bawk a, Fall Out Boy leh Sum 41-te chu palina leh pangana an ni pha bawk. Saves the Day chuan an album 'Through Being Cool' hmangin Top 10 an khar a, Green Day album tho 'American Idiot' chu 11-na a ni thung a, Top 10-ah a lang phak lo chiah chiah a ni.
Top 10-ah lang phak chiah lo mah se Good Charlotte-te pawh a cheṭha zingah an tel phak bawk.ṭ
Khawnge Simple Plan?
Pop-Punk album ṭha 50 Loudwire-in a thlanchhuahah hian Simple Plan leh Story of The Year-te chu langphak lo langsar anni ti ila kan sawi sual tam awm lo e. Mizote'n kan hriat lar zingah chuan Boys Like Girls leh Rocket To The Moon-te pawh an lang lo bawk.