Justin Bieber-te nupain 'tiam tlat e' an ti leh

Nikum September thlaa New York courthouse-a an inneih hnuah Justin Bieber leh Hailey Baldwin-te chu Thawhṭanni khan South Carolina-a Bluffton khuaa Montage Palmetto Bluff chapel-ah an innei nawn leh.

An inneihna hmunah hian VIP guest 154 chuang an tel a, chung zingah chuan Kendall Jenner, Camila Morrone, Kim Kardashian, Joan Smalls leh a manager Scooter Braun pawh an tel. Bieber-te inneihna hmunah hian Grammy winner Daniel Caesar chu a zai bawk a ni. Hailey-i pa Stephen Baldwin leh apatea Billy Baldwin pawn an fanu hi an rawn ṭawiawm. An inneih thlalak official photo erawh an pho lang lo.

An inneih zawh hian Justin chuan a instagram lamah an inneihna lawmpuina atana Jadellebh hnen aṭanga sana man to Audemars Piguet a dawn avanga a lawm thu a post a, Hailey-i nen an naupan lai thlalak a post bawk. He thlalakah hian anmahni bakah an chhungte ve ve an lang a ni. Justin chuan, in fanu hi kei ang in neih tir duh hi ka lawm e, tiin caption-ah a ziak.