Isua film thar tur buaipui mek

Hollywood film siamtu lar Terrence Malick chuan “The Last Planet” tih film thar tur chu a buaipui leh mek a, he film hi Isua chan­chin tarlanna a ni dawn.

“The Last Planet” hi Isua chanchin tarlanna film a nih dawn avang hian Mizo Kristian-te pawhin kan hlut viau a rinawm a, en pawh a chakawm tawh hle. He film hi Italy leh Iceland lamah shoot a ni ang. "The Hobbit" film aṭanga kan hriat lar Aidan Turner pawh he film chang tur zinga hming langsar a ni a, Isua zirtir Andria lemah a chang dawn a ni.

Isua lemah hian Son of Saul changtupa Géza Röhrig chu a chang dawn a, Setana lemah eng­lish actor Mark Rylance chu a chang ang a, Peter-a lemah Belgian actor Matthias Schoenaerts a chang dawn bawk. Anni bakah hian Ben Kingsley, Joseph Fiennes, Lorenzo Gioielli, Tawfeek Barhom, Douglas Booth, Martin McCann, Ori Pfeffer, Shadi Mar’i, Makram Khoury, Emilio De Marchi, Bjorn Thors leh Alfonso Postiglione-te chu he film tharah hian an chang dawn. “The Last Planet” hi kum 2022 a tlangzarh hman tura ruahman a ni.