Demi Lovato-i'n Jordan luiah baptisma chang

American singer Demi Lovato chuan Israel ramah zinin, Isua Krista'n baptisma a channa, Jordan luiah ngei baptisma a chan thu a sawi. 

Hemi chungchang hi a IG-ah sawiin, Lovato chuan, "American singer ka ni a, Kristian sakhuaa chawi len niin, Juda thlah kal zel ka ni," a ti. "Bible-a ka chhiar ṭhin hmunte tlawhna hun remchang ka hmu chu lawm takin ka pawm nghal a ni," tiin a sawi. 

Lovato hian Israel-a Juda hmun thianghlim, Western Wall pawh a tlawh a. Hei bakah hian World Holocaust Remberance Center, Yad Vashem leh Shalva National Center pawh a tlawh nghal bawk. Israel ram chuan danglamna tak a nei tih sawiin, a zin hian hun rei tak a lo neih tawh loh, Pathian nena inpawhna ṭha a neih theih thu a sawi bawk. Jordan luia baptisma a chan chuan a nun a tihthar thu sawiin, Israel ram a zin chu a taksa, rilru leh thlarau tana thil pawimawh a nih thu a sawi.